अरु दिनको तुलनामा कोरोनाको अवस्थामा केही सुधार,संक्रमित भन्दा निको हुने संख्या बढी,मृत्यूदर पनि घट्यो
Kalakhabar
१३,जेष्ठ–काठमाण्डौं । अरु दिनको तुलनामा कोरोनाको अवस्थामा केही सुधार हुँदै गएको छ । पछिल्लो २४ घण्टामा कोरोना भाइरस संक्रमणमुक्त हुनेको संख्या ७,२२६ पुगेको छ ।
स्वास्थ्य तथा जनसंख्या मन्त्रालयका अनुसार ६,९३९ जना नयाँ संक्रमित भेटिँदा ७,२२६ जना संक्रमणमुक्त भएका हुन् । २० हजार ४१४ पीसीआर परीक्षणमा ६,७३१ र ५७८ एन्टिजेन परीक्षणमा २०८ जना गरी पछिल्लो २४ घण्टामा ६,९३९ नयाँ संक्रमित भेटिएका हुन् ।
पछिल्लो २४ घण्टामा कोरोना भाइरस संक्रमणका कारण १०६ जनाको मृत्यु भएको मन्त्रालयले जनाएको छ ।
