प्रियङ्का चोपडाले बनाएको नेपाली फिल्मको पोस्टर रिलिज

---

Kalakhabar

प्रकाशित मिति : सोमबार, १९ कार्तिक २०७५ १६:०२

कलाखवर सम्वाददाता, कार्तिक १९  – बलिउड अभिनेत्री प्रियङ्का चोपडाले निर्माण गरेको नेपाली चलचित्र ‘पाहुनाः द लिटिल भिजिटर’को नयाँ पोस्टर सार्वजनिक भएको छ । रिलिज मिति तय गर्दै चलचित्रको पोस्टर सार्वजनिक गरिएको हो । पोस्टरमा तीन बाल–बालिकालाई फिचर्ड गरिएको छ । यही डिसेम्बर ७ तारिकमा रिलिज हुने चलचित्रलाई तरुण आदर्शले ट्विटर मार्फत जानकारी दिएका हुन् ।

चलचित्र यसअघि अन्तर्राष्ट्रिय फेस्टिबलहरुमा रिलिज भइसकेका छन् । जर्मनी मा भएको फिल्म फेस्टिभल र अन्तर्राष्ट्रिय फिल्म फेस्टिभलमा दुई पुरस्कार हात पारिसकेको छ ।यो चलचित्रलाई प्रियङ्का चोपडा र उनकी आमा मधु चोपडाले निर्माण गरेकी हुन् भने लेखन र निर्देशन पाखी ए टेरेबालेले गरेका हुन् ।