गुर्जा हिमाल आरोहण गर्न गएका ४ नेपालीसहित ९ जनाको मृत्यु
Kalakhabar
कलाखबर संवाददाता,२७,असोज–काठमाण्डौं । ७ हजार १ सय ९३ मिटर अग्लो गुर्जा हिमाल आरोहण गर्न गएका ९ जनाको मृत्यु भएको छ । राती अचनाक बेसक्याममा हिमपहिरोमा परि मृत्यू भएको हो ।
मृत्यु हुनेमा ५ दक्षिण कारियाली नागरिक र ४ जना नेपाली रहेका छन् । प्रोजेक्ट वे ट्रेकिङ एजेन्सीबाट सो हिमाल आरोहणका लागि गएका उनीहरु हिमपहिरोमा परेका हुन् । म्याग्दीको धौलागिरि गाउँपालिका १ मा पर्ने गुर्जा हिमालको बेसक्याम्पमा २५ गते राति सो घटना हुन पुगेको हो ।
जिल्ला प्रहरी कार्यालय म्याग्दीका डिएसपी बीरबहादुर बुढामगरले घटनास्थल विकट ठाउँमा भएकाले उद्धार कार्य प्रभावित भएको जानकारी दिँदै सो स्थानसम्म पुग्नका लागि पहल भइरहेको बताए ।
गुर्जा हिमाल चढ्नका लागि आरोहण टोली गुर्जा गाउँबाट २१ गते बेसक्याम्पतर्फ हिँडेको थियो । मृतकहरुको सनाखत हुन बाँकी रहेको छ जानकारीमा आएको छ ।
