गायिका विनिता राईको बैशले बजारमा व्यापक चर्चा बटुल्दै भिडियो सहित
कलाखबर संवाददाता,५,भदौ – फर्पिङ । लोकप्रिय तथा निकै चर्चित गायिका विनिता राईले लैजा लैंजा यो बैश लैजा बोलको पप आईटम म्यूजिक भिडियो बजारमा ल्याएकी छिन् । आम दर्शक स्रोताको निकै मन छुन सफल यो भिडियो बजारमा व्यापक चर्चा कमाउन सफल भएको छ ।
संगीतकार तथा गायक डिबि तामाङको शब्द तथा सनाम पुरुष राईको संगीत रहेको यो भिडियोमा शब्द संगीतकार डिबि तामाङ र मोडल निशा तामाङले रोचक अभिनय गरेका छन् । हाईलाईट्स नेपालको युटयूब च्यानलमा अपलोड गरेको यो भिडियोले छोटो समयमा नै धेरै आम दर्शकको मन छुन सफल भएको छ ।
युवा युगल जोडिबीचको आपसी माया प्रेम प्रशंग अनि बैशालु उमेर सँगै युवायुवतिमा चढ्न थालेको यथार्थता यस भिडियोमा समावेश गरिएको छ। करिब दुई सयको हाराहारीमा विभिन्न भाकामा समेत आवाज भरी सकेकी गायिका राईले यसपाली भने छुट्टै गीत बजारमा ल्याएकी छिन् ।
यो भिडियोलाई निश्चल के.सी. ले निर्देशन गरेका छन् भने विक्रम कार्कीले छाँयाङ्कन गरेका छन् । सुबास कुथुमी राईले दिएको र्याप र सरोज कुवँरको अभिनयले यो भिडियो निकै रोचक बनेको छ ।
भिडियो हेर्न तलको लिङ्कमा क्लिक गर्नुहोला ।
