नेपाल आइडलको दोस्रो सिजन सुरु

---

Kalakhabar

प्रकाशित मिति : बिहीबार, २४ श्रावण २०७५ ११:००

कलाखबर सम्वाददाता, २४ श्रावण –चर्चित टेलिभिजन रियालटी शो नेपाल आइडलको दोस्रो सिजन आज देखि सुरु हुँदैछ । उक्त शो एपिवान टेलिभिजन मार्फत आजबाट हरेक साताको बिहिबार र शुक्रबार दुइ दिन राती ८ : ३० मा प्रसारण हुनेछ ।

अघिल्लो सिजनकै निर्णायक न्ह्यू बज्राचार्य, काली प्रसाद बास्कोटा र इन्दिरा जोशी यो सिजनको पनि निर्णायकमा रहेका छन् । प्रस्तोतामा भने रीमा विश्वकर्मासँंग नयाँ अनुहार देख्न पाइने छ ।
यसको पहिलो संस्करणमा पोखराका बुद्ध लामाले जितेका थिए, भने निशान भट्टराई र प्रताप दास क्रमश दोश्रो र तेश्रो बन्न सफल भएका थिए ।
‘मन जित्छ उसले, सुमधुर गाउँछ जसले’ भन्ने नारा रहेको प्रतियोगीतामा शिर्ष बिजेताले २० लाख नगद, एउटा कार, एल्बम सम्झौता र वल्ड टुरको अवसर प्राप्त गर्नेछन ।