चङ्गा चेट’फिल्मको रिलिज मिति घोषणा
कलाखबर संवाददाता, २६,जेठ, काठमाण्डौ । दीपेन्द्र के खनालले निर्देशन गर्नु भएको ‘चङ्गा चेट’फिल्मको रिलिज मिति घोषणा गरिएको छ । घोषणा अनुसार फिल्म भदौ १५ गते रिलिज हुनेछ।
निर्देशक खनालले आफ्नो फेसबुक अकाउन्टबाट फिल्मको पोस्टर सार्वजनिक गर्दै प्रदर्शन मितिको घोषणा गरेका हुन्।काठमाडौँ, धरान र जनकपुरमा छायाँकन गरिएको फिल्ममा प्रियंका कार्की, ऋचा शर्मा, अर्पण थापा, आयुष्मान देशराज जोशी, परमिता राज्यलक्ष्मी राना, सुरक्षा पन्त, माओत्से गुरुङ, रविन्द्र झा, सन्दीप क्षेत्री, आशिफ शाह लगायतका कलाकारको अभिनय छ ।
सार्वजनिक पोस्टरमा प्रियंका, आयुष्मान, सन्दीप, परमिता, रविन्द्र र सुरक्षा पन्तलाई प्रस्तुत गरिएको छ । यसँगै पोस्टरमा फिल्ममा समाविष्ट ‘गोजीमा दाम छैन’ गीत छिट्टै रिलिज गर्ने जानकारीसमेत दिइएको छ ।
डार्क कमेडी जानरा फिल्मका निर्माता माधव वाग्ले हुन् । फिल्ममा प्रदीप भारद्वाजको कथा, अर्जुन पोखरेलरराजनराज सिवाकोटीको संगीत रहेको छ।
