अभिनेत्री मरिष्कालेअब निर्देशन गर्ने
कलाखबर संवाददाता,१५,जेष्ठ – काठमाडौ । अभिनेत्री मरिष्का पोखरेलले पनि निर्देशनमा डेब्यु गरेकी छन् । उनले पहिलो पटक निर्देशक गरेको म्युजिक भिडियो राजधानीमा एक कार्यक्रमका बिच सार्वजनिक गरिएको छ ।
फिल्म तथा म्युजिक भिडियोमा देखिरहेकी मरिश्काले भिडियो मार्फत पहिलो पटक आफुलाई निर्देशनमा प्रस्तुत गरेकी हुन् । उनले निर्देशन गरेको ‘एकतर्फी माया’ बोलको गीतमा उनी स्वयम्ले पनि अभिनय गरेकी छन् । भिडियोमा उनको साथमा मोडल पुष्प खड्का पनि देखिएका छन् । भिडियोमा अर्जुन तिवारीको छायाँकन र निशान घिमिरे सम्पादन रहेको छ ।
श्रष्टात्रय गीतकार होम न्यौपाने, संगीतकार दीपक भट्टराई तथा गायक मुरारी गुरागाईंको एकल एल्बम ‘एकतर्फी माया’मा चार आधुनिक तथा चार लोकपप गीतहरु संग्रहित छन् । गीतकार होमनाथ न्यौपानेको यो छैठौ एल्बम हो ।
अमेरीकामा बसेर पनि नेपाली गीत संगीतको क्षेत्रमा उल्लेखनीय योगदान पुर्याउँदै आएका गायक मुरारी गुरागाई नेपाली श्रोताहरु माझ चर्चित छन् । संगीतकार दीपक भट्टराई भने जापान बसेरै नेपाली गीत संगीतको आकाशमा रुचाइएका छन् ।
– ‘हामीले केहि समय अगाडी देखि नै एल्बम ल्याउने तयारी थालेका थियौ । समय मिल्नु पर्ने रैछ , त्यो अहिले मिल्यो ।’ कार्यक्रममा गीतकार होमनाथले भने । आफु पहिलो पटक निर्देशनमा आएकोले फरक महशुस भएको मरिस्काले बताइन् ।
