‘१२ मासे’मा जय किसन र पुजना एक साथ (भिडियो सहित)

---

Kalakhabar

प्रकाशित मिति : मंगलवार, १३ चैत्र २०७४ ०८:३०

पुष्कर पोखरेल ,चैत १२- चलचित्र ‘१२ मासे’को  ‘ढिक्के फुली’ बोलको नयाँ  गीत हालै युट्युबमार्फत सार्वजनिक गरिएको  छ । सार्वजनिक गीतमा अर्जुन पोखरेलको संगीत, सागर खरेलको शब्द र कृष्ण पाण्डेको स्वर रहेको छ ।  भिडियोमा चलचित्रका मुख्य कलाकार जय किसन बस्नेत र पुजना प्रधानको अभिनय रहेको छ । भिडियोलाई शिव विकले कोरियोग्राफी गरेका हुन् ।

कमेडी जनरामा निर्माण भएको चलचित्रलाई प्रदीप पठक (नक्कली प्रचण्ड)ले निर्माण गरेका हुन् भने कथा पाठकको नै रहेको छ । चलचित्रमा जय र पुजनाको साथमा मरिचमान श्रेष्ठ (बल्छी धुर्बे ),पुरण थापा ,सोनीका बास्तोला ,सबनम दाहाल,राधा श्रेष्ठ (राम प्यारी )लगायतको अभिनय रहेको छ। चलचित्रमा वासु न्यौपानेको छायाङ्कन ,अनन्त घिमिरेको सम्पादन रहेको छ भने यसका निर्देशक लय संग्रौला हुन् । चलचित्र जेठ ११ मा रिलिज हुनेछ ।