स्नेहा स्मृति डिजिटल म्यूजिक अवार्ड सम्पन्न हुने
राजकुमार राई , १३–चैत्र ,काठमाण्डौ ।
सुन्दर पर्यटन नगरी बाग्लुङ गाल्कोटमा स्नेहा स्मृति डिजिटलले स्रष्टा सम्मान कार्यक्रमको आयोजना गर्ने भएको छ । पाच विधाका उत्कृष्ट गीत संगीतकर्मी एवम् सर्जकहरुलाई स्नेहा स्मृति डिजिटल म्यूजिक अवार्ड २०७५ प्रदान गर्ने भएको छ । वसन्त ऋतु नयाँ वर्षको आगमनसँगै बैशाख महिनाको १७ गते राष्ट्रिय स्तरका हाँस्यव्यङग्य कलाकार ,संगीतकार,पत्रकार तथा विभिन्न लब्ध प्रतिष्ठीत व्यक्तिहरुको जमातमा वृहत साँस्कृतिक कार्यक्रम समेत हुने भएको छ ।
साँस्कृतिक र हाँस्यव्यङग्यसँगै नेतृत्व विकास सम्वनधि कार्यक्रम समेत हुने आयोजक देव साहनीले कलाखबरलाई बताउनु भयो । साथै नेपालको म्यूजिक अवार्ड मध्ये उच्च कोटीको अवार्ड वितरण गर्ने समेत उहाँले दावी गर्नु भएको छ । अवार्डको नाममा अनेक विकृति र धन्दा मौलाएको प्रति उहाँले चिन्ता समेत व्यक्त गर्नुभएको छ ।
कयौ कम्पनीले अवार्डको नाममा व्यवासायीक खेती मात्र गर्न खोजेको समेत उहाँले वताउनु भयो ।यही विकृतिलाई पर्दाफास गरी साच्चीकैको अवार्ड वितरणका लागी स्नेहा स्मृति डिजिटलले स्रष्टा सम्मान कार्यक्रमको आयोजना गर्न लागेको उहाँले बताउनु भएको छ ।
गीत संगीतको इतिहासमा नयाँ आयाम थप्दै हरेक वर्ष उत्कृष्ट कलाकारलाई उच्चकोटीकिो अवार्ड वितरण गर्ने उहाँले दाबी गर्नु भएको छ । हरेक सच्चा कलाकारको खुबि र प्रतिभालाई कदर र सम्मान गर्दै मिडिया समक्ष पु¥याउनका लागी कलाखबर मिडिया पार्टनरको रुपमा रहने भएको छ ।
