‘लम्फु’को दोस्रो गीत सार्वजानिक

---

Kalakhabar

प्रकाशित मिति : बुधबार, ७ चैत्र २०७४ ०९:२९

कलाखवर संवाददाता चैत ७- चलचित्र ‘लम्फु’को ‘दोधारमा परेँ’ बोलको गीत सोमबार युट्युबमार्फत सार्वजनिक गरिएको हो । सार्वजनिक दोस्रो गीतमा दुर्गा खरेलको स्वर, अर्जुन पोखरेलको सङ्गीत तथा नरेश भटराईको शब्द रहेको छ ।

वैशाख २८ गतेबाट प्रदर्शनमा आउन लागेको चलचित्रको गीतमा नायिका मरिश्का पोखरेल र नव–नायक कबिर खड्काको अभिनय रहेको छ । शिव विकको कोरियोग्राफी रहेको चलचित्र लाई गोपालचन्द्र लामिछानेले निर्देशन गरेका हुन ।

कबिर खड्का, मरिश्का पोखरेल, सलोन बस्नेत, चाँदनी शर्मा, सञ्जित अजित, पुष्प आचार्य, लगायतको अभिनय रहेको छ । यस चलचित्रमा तरकारीवालीको नामले परिचत कुसुम श्रेष्ठको पनि अभिनय छ । ’लम्फू’लाई शक्तिबल्दभ घोरासैनीले निर्माण गरेका हुन् । चलचित्रमा भूपतिको लेखन रहेको छ । दीपक बज्राचार्यको छायाङ्कन रहेको यस चलचित्रका सम्पादक हरि सिलवाल हुन् ।