चलचित्र ‘भीमसेन’को शुभ मुहूर्त सम्पन्न
राजकुमार राई ,३० फागुन – काठमाडौं । चलचित्र ‘भीमसेन’ निर्माण हुने भएको छ । राजधानीमा एक कार्यक्रम बीच चलचित्र निर्माण हुने घोषणा गरिएको छ । युवी फिल्मस् ग्यालरीको तेस्रो प्रस्तुति चलचित्र ‘भीमसेन’मा कमेडी, लभ र एक्सन विषय समेटिने निर्माण पक्षले जानकारी गरायो ।
भोमान कटुवालको निर्देशनमा बन्न लागेको यो चलचित्र कला राईले निर्माण गरेकी हुन् । राजु किराती राईको द्वन्द्व निर्देशन, राजन ढुंगेलको संवाद, भोमन कटुवालको कथा, अशोक थापाको सह निर्देशन, पवन गौतमको छायाँकन, अनिल महर्जनको सम्पादन र पुस्कर सुनुवारको संगीत रहनेछ ।
संगीत बानियाँ, कोनिका घिमिरे, यादव देवकोटा ‘सरापे’, राजु कमेडी ‘रेम्बो’, अजिता पौडेल, कल्याण अधिकारी, धनराज सुब्बा, राजकुमार राई, महेन्द्रकुमार राई लगायतका कलाकारको अभिनय रहने चलचित्रमा अन्य कलाकारको छनोट बाकी रहेको छ ।
कार्यक्रममा चलचित्रको शुभ मुहूर्त समेत गरिएको थियो । चैतको पहिलो साताबाट छायाँकनमा जाने चलचित्र काठमाडौं आसपासका स्थानमा सकिने छ ।
