राष्ट्रिय कलाकारहरु देउसी भैलोको तयारी गर्दै ।
आश्विन, १ काठमाण्डौ, राजकुमार राई , नेपालीहरुको महान पर्व शूभ दिपावली तिहारको अवसर पारी नेपाली राष्ट्रिय कलाकार टोलीहरुले देउसी भैलो तथा साँस्कृतिक कार्यक्रम गर्ने भएको छ । त्रियुगा फिल्मस् प्रा.ली., मूनलाईट फिल्मस्र प्रा.ली.तथा कला संगम मल्टिमिडिया प्रा.लि.को संयुुक्त प्रस्तुतिमा यो कार्यक्रमको आयोजन गर्न लागीएको हो । कुनै व्यक्ति तथा संस्थाको सहयोगार्थको लागी नभएर नेपाली मौलिक कला संस्कृतिको संरक्षण एवम् आफनो छुट्टै मनोरञ्जनको लागी यो कार्यक्रमको आयोजना गर्न लागीएको आयोजक तथा नायक युबिन ढुङगानाले बताउनु भएको छ ।
हरेक राष्ट्रिय कलाकारहरुको उपस्थितिमा राजधानीका विभिन्न चोक चोकमा कार्यक्रम गर्नका लागी सबैलाई पत्र पठाई सकेको समेत नायक ढुङगानाले बताउनु भएको छ । अरु देउसी भैलो भन्दा छुट्टै किसिमले आफनो मौलिक कला संस्कृति झल्काउनका लागी राष्ट्रिय स्तरका कलाकारहरुको उपस्थितिसंगै हास्यव्याङग्य , नृत्य, प्रहशन, गायन, तथा विभिन्न अन्य प्रस्तुतिहरु राखिएको कार्यक्रमका संयोजक आशिक राईले बताएका छन् ।
राईका अनुसार कार्यक्रमलाई भबव्य र गुनस्तर बनाउनका लागी दुई हप्ता अघिदेखि कोरियो ग्राफर जोहन राईले कलाकारहरुलाई प्रशिक्षण दिई रहेका छन् । नायक युविन ढुङगाना , मोडल सृष्टि थोेकर, मोडल तथा कोरियो ग्राफर जोहन राई, नबिन बुढाथोकी, सुरेश भुस्याल, सुमिता वाईबा, सबिता राई जस्ता राष्ट्रिय स्तरका कलाकारहरुले नृत्य कम्पोज गरि रहेका छन् । गायन तर्फ सत्यकला राई , नवल खड्का , विनिता राई, शर्मिला के.सी.थापा, पासाङ लोपचन, आशिक राई, डि.बी. तामाङ, रिना राई जस्ता लोक प्रीय कलाकार रहेका छन् ।
