समृद्ध नेपाल कार्यक्रम संयुक्त रुपमा प्रसारण
छिरिङ शेर्पा, काठमाण्डौं । कला संगम मल्टी मिडिया र विश्व दर्शन मिडिया ग्रुपले समृद्ध नेपाल कार्यक्रम संयुक्त रुपमा प्रसारण
गर्ने भएको छ । यस कार्यक्रम प्रश्तोता द्रोण पराजुलीको साथमा सम्पूर्ण दर्शकहरुले हेर्न सक्नुहुनेछ । यस समृद्ध नेपाल
कार्यक्रममा श्रृजनात्मक विचार र सकारात्मक सोचका साथ सबैले चाहेको समग्र राष्ट्रको समृद्धि तर्फ़ अग्रसर हुँदै विकासबादी
कार्यक्रमलाई महत्वका साथ प्रस्तुत गरिन्छ।
समृद्ध नेपाल भनेको के हो ? यसका लागि अहिले सम्म के के प्रयाशहरु भए र हामी कसरि समृद्धि तर्फ़ अगाडी बढ्न सक्छौ ?
भन्ने गहन बिषय बस्तुको सेरोफेरोमा रही नयाँ ढंगबाट अगाडी बढ्न सहयोग पुगोस भन्ने यस कार्यक्रम प्रमुख उद्देश्य रहेको छ।
सम्भावना लाई पछ्याउदै , बिकासलाई अगाल्नका लागि ठोस निस्कर्षमा पुग्न सम्बद्ध व्यक्तित्वहरुसंगको बिशेष विचार मन्थनको
प्रस्तुति यस कार्यक्रममा रहनेछ । सो विचारको निचोड समग्र दर्शकहरु समक्ष पुर्याउने प्रयास स्वरुप कला संगम मल्टी मिडिया र
विश्व दर्शन मिडिया ग्रुपको सहकार्यमा यस समृद्ध नेपाल कार्यक्रम निर्माण भएको कुरा कार्यक्रम संयोजक तथा प्रस्तोता द्रोण
पराजुलीले कला खबरलाई बताए । राष्ट्रको हरेक क्षेत्रको सर्वाङ्गिन बिकाशका बारे सम्बन्धित पक्ष एवं सरोकारवालाहरुसंग
सम्पर्क गरि विचार बिमर्श गर्दै बिकाश समृद्धिको वृद्धि गर्न यस कार्यक्रमको महत्वपुर्ण योगदान रहने कार्यक्रम प्रस्तोता पराजुलीले
जानकारी दिए ।
