मदन गोपालको “धेरै टाढा” एल्वम म्यूजिक नेपालद्वारा विमोचन
राजकुमार राई । आज म्यूजिक नेपालले एक कार्यक्रमका बीच संगीतकर्मी तथा गायक मदन गोपाल थापाको “धेरै टाढा” नामक गीति एल्वम विमोचन गरेको छ । वहाको यो पाँचौ एल्वम हो ।
सो कार्यक्रममा म्यूजिक नेपालका प्रवन्ध निर्देशक सन्तोष शर्मा, प्रमुख अतिथि र विशेष अतिथिको रुपमा राष्ट्रिय फूट्बल टोलीका पूर्व कप्तान हरि खडका थिए । उक्त कार्यक्रममा संगीतकार, गीतकार र सञ्चारकर्मी तथा लोकप्रिय गायक शिशिर योगी जस्ता चर्चित संगीतकर्मीेहरु एवम संगीत क्षेत्रका विद्यार्थी गरि करिब ढेडसय जना भन्दा बढी संगीत पारखीहरु उपस्थित थिए ।
मोरङ जिल्लाको सिजुवा गा.वि.स.मा जन्मनु भएका गोपालले वि.स. २०६३ सालबाट संगीत यात्रा गरेका थिए । उहाँको यो एल्वममा जम्मा ६ वटा गीतहरु समावेश छन् । संगीत क्षेत्रबाट एन.ए. गरिसकेका गायक मदन गोपालले हाल म्यूजिक नेपालमा संगीत प्रशिक्षण समेत दिइरहेका छन् । गोपालको यो एल्वममा रहेका गीतहरु जन्मथलो, घर परिवार र मनको मान्छेबाट धेरै टाढा पुग्नु भएकाहरुमा समर्पित रहेको समेत गायक गोपालले बताए । गीत संगीत त अब जस्ले पनि गर्न सक्छ तर गोपालको गीत संगीतमा भने नयाँपन भेटिन सक्ने अरु संगीतकर्मीहरुले बताए ।
