‘रामकहानी’को पोष्टर सार्वजनिक
कलाखवर सम्वाददाता, श्रावण २७ -गीत संगीत र ट्रेलरले दर्शकमा राम्रो हाइप बनाएको चलचित्र ‘रामकहानी’ले पोष्टर सार्वजनिक गरेको छ । २२ भदौबाट प्रदर्शनमा आउने चलचित्रले प्रदर्शन मिति नजिकिदै गर्दा प्रचारका लागि तयार गरेको पोष्टर सार्वजनिक गरेको हो ।
सुदर्शन थापाको निर्माण तथा निर्देशनमा तयार भएको चलचित्रले कमेडी र प्रेमकथा एकसाथ उठाएको छ । पोष्टरमा मुख्य नायक आकाश श्रेष्ठ र नायिका पूजा शर्मालाई देखाइएको छ । साथमा, चलचित्रका मुख्य हास्य कलाकार केदार घिमिरे, जितु नेपाल, रविन्द्र झा र विल्सन विक्रम राइलाई पनि चलचित्रको पोष्टरमा देख्न सकिन्छ । सवा २ घन्टा लामो बताइएको चलचित्रले दर्शकलाई मनोरञ्जनका साथै सरप्राइज पनि दिने निर्देशक थापाले बताउदै आएका छन् । सार्वजनिक पोष्टरमा चलचित्रका प्राय कलाकार अटाएका छन् । केही फरक दिने प्रयासमा पोष्टरमा सबै कलाकार समेटिएको निर्देशक थापाको भनाई रहेको छ ।
