‘हैरान’को शीर्ष गीत सार्वजनिक (भिडियो)
कलाखवर सम्वाददाता, बैसाख ४,काठमाडौं –चलचित्र ‘हैरान’को शीर्ष गीत सार्वजनिक भएको छ । सत्यराज आचार्य र स्वरुपराज आचार्यको शब्द तथा सङ्गीत रहेको गीतलाई सत्य–स्वरूपले सरगम आचार्य र बबिता मानन्धरसँग मिलेर गाएका छन् । राजन इसानको एरेन्ज रहेको गीतमा गिरिश खतिवडाको र्याप रहेको छ । गम्भीर विष्टको कोरियोग्राफीमा तयार भिडियोमा सरोज खनाल , सत्यराज आचार्य , निर्मल शर्मा ,गजित विष्ट , सागर लम्साल , निश्मा घिमिरे , एन्जल राई , शिशिर भण्डारी ,आरोही शर्मा लगायतका सम्पूर्ण कलाकार फिचर छन् । विश्कै कान्छा निर्देशक सौगात विष्टको निर्देशनमा तयार भइरहेको चलचित्रलाई कमेडी जनरमा तयार पारिएको छ ।
राजधानी स्थित एनएफडिसीमा सेट लगाएर केही दिन अघि भिडियोको छायाङ्कन गरिएको थियो डान्स फेभरको ब्यानरमा निर्मित चलचित्रमा मुक्ति घले , सृष्टि घिमिरे , डाक्टर वाई एल लामा निर्माता रहेका छन् भने सम्झना पोखरेल कार्यकारी निर्मात्री रहेकी छिन । चलचित्रको कथा तथा कोरियोग्राफी गम्भीर बिस्ट , द्वन्द चन्द्र पन्त , सङ्गीत सत्यराज आचार्य, स्वरूपराज आचार्य ,किरण कडेल , राजन इशान र सन्तोष श्रेष्ठ रहेको छ । चलचित्रमा नवराज उप्रेती र निरज कडेलको छायाङ्कन , अमित श्रेष्ठको मिक्सिङ र ब्याक ग्राउण्ड स्कोर , अनन्त घिमिरेको कलर र भीएफएक्स , प्रितम पाण्डेको सम्पादन रहेको छ ।
