लोक सञ्चार कर्मी नेपाल द्वारा २७ वटा सामुहिक तिज एल्बम विमोचन

कार्यक्रममा बोल्दै प्रमुख अतिथि चन्द्रकला शाहले यो तिज पर्व विशेष गरी नेपाली हिन्दु नारीहरुको एक्लो महान चाड भएकोले पुरुषहरुले यो पर्वको गीत गाउन नहुने बताउनुभयो । त्यसतै गरी अहिलेको अवस्थामा आएर नेपाली संस्कृति नै तहसनहस भएको तथा विकृतिको रुपमा फैलदै फेशनको रुपमा देखिन थालेकोले तिजको गीत पुरुषहरुले नगाउन वरिष्ठ गायक नविन खड्काले आग्रह गर्नुभयो ।

नेपाली मौलिक लोककला संस्कृतिको बचाउ तथा नजिकिदो तिज पर्वसंगै राम्रा-राम्रा गीति एल्वमहरु सामुहिक रुपमा विमोचन गरी सबै मिडिया तथा नारीहरुको हातमा पुरयाउने उद्देश्य स्वरुप यस कार्यक्रमको आयोजना गरिएको राष्ट्रीय लोक सञ्चारकर्मी नेपालका सहसचिब रामनाथ घिमिरेले बताउनुभयो । कार्यक्रममा सबै कलाकारहरुले आ आफनो विमोचित एल्वमका गीतहरु सुनाएका थिए ।