माओवादी केन्द्रको स्थायी कमिटी बैठक बस्ने तयारी
Kalakhabar
१०, फागुन – काठमाडौँ । नेकपा माओवादी केन्द्रको स्थायी कमिटी बैठक आज बस्ने भएको छ । बिहान ११ बजे पार्टी केन्द्रीय कार्यालय पेरिसडाँडामा बैठक बस्ने भएको छ । बैठकमा विधान अधिवेशनको समीक्षा तथा नेताहरुको जिम्मेवारी बाँडफाँट एवम् समसामयिक राजनीतिक बिषयमा छलफल हुने उपाध्यक्ष गणेश शाहले जानकारी दिए ।
उनका अनुसार आगामी चैत १ देखि १५ गतेसम्म हुने तराई मधेश जागरण अभियान र आगामी वैशाख १ देखि १५ गतेसम्म हुने हिमाल, पहाड, तराई एकता अभियानको विषयमा पनि बैठकमा छलफल हुने भएको छ । ‘अभियानको रुट, लिडर र कार्यक्रमको खाकाको विषयमा पनि आजको बैठकमा छलफल हुन सक्ने उनले बताए ।
