सत्ता गठबन्धनका शीर्ष नेता तथा तीन पूर्व प्रधानमन्त्रीहरु विराटनगरको साझा कार्यक्रममा सहभागी हुँदै
Kalakhabar
राज कुमार राई,
५, कात्तिक – काठमाण्डौं । सत्ता गठबन्धनका शीर्ष नेता तथा तीन पूर्व प्रधानमन्त्रीहरु विराटनगरमा हुने साझा कार्यक्रममा सहभागी हुने भएका छन् । गठबन्धनका शीर्ष नेताहरुले आज विराटनगरमा हुने प्रदेश १ स्तरीय अगुवा कार्यकर्तालाई सम्बोधन गर्ने कार्यक्रम रहेको छ ।
विराटनगर बरगाछीस्थित होटल मनास्लुमा हुने कार्यक्रमलाई सम्बोधन गर्न प्रधानमन्त्री शेरबहादुर देउवा, माओवादी केन्द्रका अध्यक्ष प्रचण्ड, नेकपा एकीकृत समाजवादीका अध्यक्ष माधवकुमार नेपाललगायतका नेता आउने कार्यक्रम छ ।
प्रधानमन्त्री सहभागी हुने कार्यक्रमको सुरक्षाका लागि सुरक्षाकर्मीहरुको तैनाथी बढाइएको छ । कार्यक्रम आज १२ बजे सुरु हुनेछ । कार्यक्रम चुनाव लक्षित रहेको छ ।
