फलेवास नगरपालिका अन्तर्गतका वार्डहरुमा एमाले वार्ड कमिटीको प्रथम बैठक सम्पन्न
कलाखबर संवाददाता, पर्वत, २०७८ संसिर १८
पर्वत जिल्लाको फलेवास नगरपलिका अन्तर्गत रहेका वार्डहरुमा नेकपा एमालेको प्रथम अधिवेशन प्रश्चात नव गठित वार्ड कमिटीका बैठक आज सम्पन्न भएका छन् । फलेवास नगरपालिका वडा नंं १ कार्कीनेटामा जिल्ला पार्टी कमिटी सचिव तथा फलेवास नगरपालिका नगर प्रमुख पदमपाणी शर्माको प्रमुख आतिथ्यतामा बैठक सम्पन्न गरेको छ भने अन्य वडाहरुले समेत विशिष्ट व्याक्तिहरुको आतिथ्यतामा बैठक सम्पन्न गरेका छन् ।
बैठकमा छुटेका सदस्यहरुलाई सफथ ग्रहण, प्रमाण पत्र बितरण र जिम्मेवारी दिने कार्य गरिएको वार्ड कमिटी अध्यक्ष गिरी नारायण श्रेष्टले कलाखबरलाई बताए । वार्ड कमिटी बैठकमा समिक्षा, कार्ययोजना लगायतका विविध बिषयमा छलफल गरि निर्णय गरिएको श्रेष्ठले बताए ।
नगरपालिकाको हाल कार्यपालिकामा सदस्यहरुको बहुमत रहेको एमाले फलेवास नगरपालिकामा प्रमुख ठुलो दलको रुपमा रहेको देखिन्छ । फलेवासमा पूर्वाधार तथा दिगो विकासका लागि उत्साहपूर्ण कार्यहरु संचालन गरिएकोले जनताहरुलाई गरिएका कार्यहरुको सूचना दिनु हरेक सदस्यहरुको जिम्मेवारी रहेको वडाध्यक्ष बावुराम शर्माले बताए ।
