Logo

सरकार गठन भएको दुई महिना पछि मन्त्रिपरिषदले पूर्णता पाउने


 

कलाखबर,१ असोज–काठमाण्डौं । नेकपा ९एकीकृत समाजवादी०का अध्यक्ष माधव कुमार नेपालले एक हप्ताभित्र मन्त्रिपरिषदले पूर्णता पाउने बताएका छन् । मिनभवनस्थित केन्द्रीय कार्यालय उदघाटन गरेपछि पत्रकारहरुलाई प्रतिक्रिया दिंदै नेपालले सो कुरा बताएका हुन् ।

मन्त्रिपरिषद्लाई कहिले पूर्णता दिने भनेर पत्रकारहरुले सोधेको प्रश्नमा उनले भने ‘म प्रधान्मन्त्री भएको भए ठ्याक्कै भनिदिन्थें, आशा गरौं, यो हप्ताभित्र हुने छ । उनले सरकारमा जान आफूहरु आज भने आजै, भोलि भने भोलि नै तयार रहेको पनि बताए ।

उनले संसद र सरकारमा आफूहरुको भूमिका सत्तापक्षको रुपमा रहने बताए । सत्ता गठबन्धनको महत्वपूर्ण हिस्सा एकीकृत समाजवादी भएको बताउँदै उनले भने, ‘यस अर्थमा हाम्रो भूमिका सरकार सन्चालनमा रहने छ, सहयोगी रहनेछ, सहकार्य गर्ने छौं, सँगसँगै अगाडि बढ्ने छौं ।

सरकारमा हामी सामेल हुनेछौं । संघीय सरकारमा सामेल हुने बताउँदै नेता नेपालले प्रदेश १ र बागमती प्रदेश सरकारमा पनि ‘महत्वपूर्ण भूमिका निर्वाह गर्ने’ बताए । ‘सातैवटा प्रदेशमा पनि हाम्रो सहभागीता रहनेछ,’ उनले भने ।

विभिन्न राजनीतिक समस्याका कारण मन्त्रिपरिषद गठन भएको दुई महिना बिति सक्दा पनि मन्त्रिपरिषदले पूर्णता नपाएको हो ।

 

प्रतिक्रिया दिनुहोस्