सिन्धुपाल्चोकमा बाढीपहिरोको प्रकोप,झण्डै एक दर्जन स्थानीय बेपत्ता
Kalakhabar
कलाखबर,२,असार–सिन्धुपाल्चोक । मंगलबार साँझ आएको बाढीले सिन्धुपाल्चोक जिल्ला डुबानमा परेको छ । एक्कासी मेलम्ची खोलामा आएको बाढीले सिन्धुपाल्चोक जिल्लामा ठूलो धनजनको क्षती भएको हो ।
मेलम्ची खोलामा आएको बाढीले मेलम्ची करिडोर तहसनहस बनाएको छ। बाढीमा झण्डै एक दर्जन स्थानीय बेपत्ता भएका छन्। घर–बस्ती, दर्जन मोटरेवलपुल र झोलुङ्गे पुल बहेका छन्। बाढीले वस्ती नै डुबानमा परेपछि सयौ स्थानीय विस्थात भएका छन् ।
सिन्धुपाल्चोक बजारक्षेत्रका, सुरक्षा निकायका कार्यालय र व्यारेक समेत डुबानमा परेका छन् । खोलाले जताजतै सडक र नदी योग्यजमिन बगाएको छ। नदी आसपाका आधा दर्जन भन्दाबढी माछा र कृषि फार्मसमेत बाढीले बगाएको छ। अहिले अनुसन्धान र बेपत्ता परिवारको खोजी भई रहेको छ ।
