पोखराको बीच सडकमा काटिएर फालेको अवस्थामा बच्चाको टाउँको भेटियो
४,फागुण–काठमाण्डौं । पोखराको नदिपुर भिसी मार्ग नजिकैको सडकमा एक बच्चाको काटिएको अवस्थामा टाउँको भेटिएको छ । मंगलबार आज विहानै बच्चाको टाउको र प’ञ्जा फेला परेको हो । पिच रोडको विच भागमा टाउको र नजिकै पसलनेर हातको पञ्जा भेटिएको हो ।अहिले सम्म उक्त बच्चाको पहिचान भने खुलेको छैन ।
बच्चाको शरीररको तलको भाग पनि फेला नपरेको प्रहरीले जनाएको छ ।कास्की प्रहरीका अनुसार यस बिषयमा अनुसन्धान भइरहेको हुँदा के कारण र कस्ले अपराध गरेको हो अहिल्यै भन्न नमिल्ने बताएको छ। बच्चाको आँखा र कानको बीच भागमा ठूलो चोट पनि देखिएको छ ।
बच्चाको आखा र कानको विच भागमा ठूलो घाउ देखिदा बच्चाको टाउको काटी हत्या गरिएको स्थानीयले आशंका व्यक्त गरेका छन्। एक साइकल यात्रीले करिब विहान ५ः३० बजेको समयमा मर्निङ वाक गर्ने क्रममा देखेर प्रहरीलाई खबर गरेका थिए।
रातको समय र कुकुरहरु पनि रहेकाले शरीरको अन्य भाग कुकुरले खाएको हुन सक्ने शंका छ ।
