विवाहको कुरा गोप्य राख्ने गायक दुर्गेश थापाको पुत्र लाभसहितको तस्बिर बाहिरियो
Kalakhabar
११,माघ–काठमाण्डौं । चर्चित गायक दुर्गेश थापाको पुत्र लाभ भएको तस्बिर बाहिरिएको छ । आफुले विवाह नै नगरेको जस्तै गरि कसलाई पनि थाहा नदिएको उनको तस्बिर एक्कासी बाहिरिएपछि अहिले दुनिया चकित भएका छन् । गायक दुर्गेश थापा विवाहित रहेको कमैलाई मात्र थाहा थियो ।
उनले विवाहित रहेको खुलासा गरेका थिएनन् । तर, उनले अचानक आज पुत्रलाभको जानकारी गराएर सबैलाई छक्क पारेका छन् । दुर्गेशले फेसबुकमा नवजात शिशु बोकेको तस्बिर सार्वजनिक गरेका छन् । उनले प्राची लामा र आफूबाट पुत्र जन्मिएको खुलासा गरेका हुन् । प्राचीसँग उनको एक वर्ष अघि अन्र्तजातीय विवाह भएको थियो ।
यसलाई उनले खुलाएका थिएनन् । तर, बच्चा जन्मिएसँगै उनले खुशी बाँडेका छन् । नयाँ पीढीबीच दुर्गेश चर्चित छन् । विगत केही महिनायता उनले गाएको गीत चर्चामा छन् । उनले पछिल्लो समय गाएको गीत धेरैले रुचाएका छन् ।
