डा.गोविन्द केसीको सर्मथन स्वरुप माईतीघर मण्डलामा दीप प्रज्वलन

---

Kalakhabar

प्रकाशित मिति : सोमबार, १२ आश्विन २०७७ १९:०७

कलाखबर संवाददाता,१२ असोज–काठमाण्डौं । डा.गोविन्द केसीको सर्मथन स्वरुप माईतीघर मण्डलामा दीप प्रज्वलन गरिएको छ । विभिन्न माग राखेर १५ दिनदेखि अनसन बसिरहेका डा। गोविन्द केसीको समर्थनमा उनका समर्थकहरुले माइतीघरको सडकमै दीप प्रज्वलन गरेका छन्।

सोमबार दिउँसो उनका समर्थकहरुले गोविन्द केसीको माग पूरा गर, गोविन्द केसीको जीवन रक्षा गर, नाममा समाजवाद, स्वास्थ्यमा व्यापार भन्दै ब्यानरसहित दीप प्रज्वलन गरेका हुन्। दीप प्रज्वलन गर्नेमा अधिकांश युवा र चिकित्सा विद्यार्थी छन् भने उनीहरुले सरकारले

लोकतन्त्रको घाँटी रेट्न लागि परेको आरोप लगाए। उनीहरुले देशमा प्रहरी प्रशासनको आडमा सरकार दमनकारीको बर्दीमा उत्रिएको आरोप पनि लगाए। आईतबार पोखराको भृकुटी चोकमा विभिन्न झाँक्रि र नारा सहित ठूलो जुसुल निकालिएको थियो ।