मच्छिन्द्रनाथको रथ तान्ने क्रममा झडप भएपछि पक्राउ परेका ६ जनामा कोरोना संक्रमण पुष्टि
कलाखबर संवाददाता,२२ भदौ–काठमाण्डौं । मच्छिन्द्रनाथको रथ तान्ने क्रममा झडप भएपछि पक्राउ परेका ६ जनामा कोरोना संक्रमण पुष्टि भएको छ । प्रशासनको निर्देर्शन विपरित रातो मच्छिन्द्रनाथको रथ तानिए पछि प्रहरी र स्थानीय बीच ठूलो झडप भएको थियो । सो झपमा संलग्न २० जनलाई खोजी खोजी प्रहरीले पक्राउ गरेका थिए ।
उनीहरुको स्वाब संकलन गरी पीसीआर परीक्षण भएकोमा ११ जनाको रिपोर्ट आउँदा ६ जनामा संक्रमण पुष्टि भएको हो । अरु ९ जनाको भने रिपोर्ट आउन बाँकी छ । संक्रमण देखिएका र अरुलाई पनि अहिले आइसोलेशनमा राखिएको छ । बिहीबार रथ तान्ने क्रममा विवाद हुँदा ठूलो संख्यामा मानिसहरु उपस्थित भएका थिए ।
त्यहाँ सहभागी भएका ६ जनामा संक्रमण पुष्टि भएपछि अरुमा पनि संक्रमण फैलिएको हुन सक्ने आशंका गरिएको छ । शुक्रबार कर्फ्यू लगाइएकोमा प्रशासनसँगको सहमति पछि आइतबार रथ तानिएको थियो ।
