फेरि नेपालमा आज १२२८ जनामा कोरोना पुष्टि
Kalakhabar
कलाखबर संवाददाता,१८ भदौ–काठमाण्डौं । नेपालमा पछिल्लो २४ घण्टामा थप १ हजार २ सय २८ जनामा कोरोना भाइरसको संक्रमण पुष्टि भएको छ। यससँगै नेपालमा कोरोना संक्रमितको कुल संख्या ४२ हजार ८ सय ७७ पुगेको छ। स्वास्थ्य तथा जनसंख्या मन्त्रालयका अनुसार बिहीबार ९१७ जना कोरोना संक्रमित डिस्चार्ज भएका छन्।
हालसम्म डिस्चार्ज हुनेको संख्या २४ हजार २ सय ७ पुगेको छ। पछिल्लो २४ घण्टामा १३ हजार ४ सय १३ जनाको पीसीआर परीक्षण भएको छ। हालसम्म ८ लाख ३१ हजार ८ सय ५२ पीसीआर परिक्षण भएको छ। देशभर सक्रिय संक्रिमित १८ हजार ४ सय १३ रहेको छ।
६ हजार ७ सय ४९ जना क्वारेन्टिनमा रहेका छन्। यस्तै काठमाडौँ उपत्यकामा ४४५ जना कोरोना संक्रमित थपिएका छन्। पछिल्लो २४ घण्टामा काठमाडौँमा ३५७, भक्तपुरमा ४२ र ललितपुरमा ४६ जनामा कोरोना पुष्टि भएको स्वास्थ्य मन्त्रालयले जनाएको छ।
