पुल्चोकमा स्थानीय र प्रहरीबीच झडपको स्थिति,मछिन्द्रनाथको रथ तान्न आएकाहरु प्रहरीद्वारा तितरवितर

---

Kalakhabar

प्रकाशित मिति : बिहीबार, १८ भाद्र २०७७ १४:३२

कलाखबर संवाददाता,१८ भदौ–काठमाण्डौं । ललितपुरको पुल्चोकमा स्थानीय र प्रहरी बीच झडप भएको छ । स्थानीय प्रशासनले निदेर्शन उल्लंघन गर्दै रातो मछिन्द्रनाथको रथ तान्न थालेपछि झपको स्थिति सृजना भएको हो । बाजागाजा र झाँकि सहितको तोलीले कोरोना महामारीको बेला जबरजस्ती मछिन्द्रनाथको रथ तान्न थालेपछि प्रहरीले बल प्रयोग गरि हताएको हो ।

सयौंको संख्यामा आएका स्थानीयहरु प्रहरीले बल प्रयोग गरेपछि तितरवितर भएका थिए । प्रहरीले माइकिङ्ग गरेर रथ नतान्न निर्देशन दिए पनि नमानेपछि बल प्रयोग गरेको जानकारी दिएको छ। जिल्ला प्रशासनले धार्मिक गतिविधिमा रोक लगाए पनि सयौँ संख्यामा मानिसहरु जम्मा भएका थिए । प्रहरी बाक्लो संख्यामा उपस्थित गराइएको छ। प्रहरीले बल प्रयोग गरेपछि निर्देशन अटेरी गरी भेला भएकाहरु तितरवितर भएका छन् ।