भिडभाड नगरी सेवा प्रवाह गर्न राष्ट्रबैंकको निर्देशन

कलाखबर संवाददाता,८ भदौ–काठमाण्डौं । नेपाल राष्ट्र बैंकले कुनै भिडभाड नगरी ग्राहकलाई सेवा दिन सबै बैंकलाई निर्देशन दिएको छ । सिमित शाखा मात्र खोल्दा धेरै भिडभाड हुने भएकोले सबै शाखा खोलेर छिटोछरिटो रुपमा सेवा प्रवाह गर्न निर्देशन दिएको हो ।
नेपाल राष्ट्र बैंकले आइतबार उपत्यकाका विभिन्न स्थानमा खुलेका बैंक तथा वित्तीय संस्थामा स्थलगत अनुगमन गरेको थियो । अनुगमनका क्रममा बैंकहरुमा भीडभाड निकै देखिएको डेपुटी गभर्नर चिन्तामणि शिवाकोटीले बताए ।
‘त्यही भएर हामीले धेरै शाखा खोल्नुस्, भर भीडभाड हुन नदिनुस् भनेका हौं’ उनले भने । राष्ट्र बैंकले सुरुमा प्रतिबैं ८ वटा शाखा खोल्न अनुमति दिएको भए पनि प्रशासनको अवरोधपछि बैंकहरुले एउटा बैंकका ४ वटा शाखा मात्रै खोल्नेगरी सहमति गरेका थिए ।
राष्ट्र बैंकले अहिले ५० भन्दा बढी कर्मचारी नबढ्ने गरी सम्भव भएसम्म धेरै शाखा खोल्न भनेको छ । राष्ट्र बैंकको तयारीपछि बैंकहरुले आजदेखि थप शाखाहरु खोल्न थालका छन् ।