आज देशभर कोराना मृतक संख्या र संक्रमित दुबै बढ्यो
Kalakhabar
कलाखबर संवाददाता,२ भदौ –काठमाण्डौं । देशभर आज कोरोना संक्रमित संख्या र मृतक संख्या बढेको छ । अहिले सम्मको अपडेट अनुसार देशभर एक हजार १६ जना नयाँ संक्रमित थपिएका छन् भने ७ जनाले ज्यान गुमाईं सकेका छन् ।
योसँगै नेपालमा कोरोना संक्रमणबाट ज्यान गुमाउनेको संख्या ११४ पुगेको छ। स्वास्थ्य मन्त्रालयका प्रवक्ता जागेश्वर गौतमले नियमित पत्रकार ब्रिफिङका क्रममा सो जानकारी दिएका हुन।
गौतमका अनुसार मृत्यु हुनेमा काभ्रे, नवलपरासी, मोरङ, धनुषा, कास्की र बाँकेका एक एकजना पुरुष र तनहु जिल्लाका एक महिला रहेका छन्। अब पनि सरकारले नयाँ कदम चालेन भने थप चुनौती देखिएको छ ।
