सुनसरीमा शसस्त्र प्रहरी र तस्करबीच गोली चल्दा शसस्त्र प्रहरी जवान सहित दुई घाइते
कलाखबर संवाददाता,३ साउन – धरान सुनसरी । सुनसरीमा शसस्त्र प्रहरी र तस्करबीच गोली चल्दा शसस्त्र प्रहरी जवान सहित दुई घाइते भएका छन् । शसस्त्र प्रहरी बल र तस्कर समूह बीच झडप भएको हो । झडपमा सशस्त्र प्रहरीका जवानसहित दुईजना घाइते भएका छन् । तस्कर समूहले हतियार खोस्न खोजेपछि सशस्त्र प्रहरीले चलाएको गोली लागेर साहजब जट घाइते भएका छन् ।
तस्कर समूहको आक्रमणबाट जवान जीवराज विशंखे घाइते भएका छन् । गएराती हरिनगरा गाउँपालिका–७ जटबरा स्थित दशगजामा भारतबाट अवैध रुपमा सामान ल्याउँदै गरेको समूहलाई बिओपी घुस्कीबाट खटिएको सशस्त्रको टोलीले नियन्त्रणमा लिन खोजेको थियो । तस्कर समूहले बाँस र ढुंगा प्रहार गर्दै सशस्त्रको हतियार खोस्ने प्रयार गरेका थिए ।
स्थिति नियन्त्रणमा लिन एक राउण्ड गोली चलाइएको सशस्त्र प्रहरीले जनाएको छ । घाइते दुवैको धरानस्थित घोपा अस्पतालमा उपचार भइरहेको छ । तस्कर समुहको तर्फबाट भने कति घाइते भए भन्ने कुरा अहिले सम्म पुष्टि भएको छैन ।
