नेपाल आईडलको सिजन ३ मा चर्चा कमाएका प्रविन बेडवालको नयाँ गीत सार्बजनिक
कलाखबर संवाददाता,२ साउन –काठमाण्डौं । नेपाल आईडलको सिजन ३ मा मीठो गीत गाएर दर्शकको लोकप्रीय बनेका प्रविन बेडवालको नयाँ गीत सार्बजनिक भएको छ । समेशर राईको शब्द र शंकर थापा स्माइल थापाको संगितमा बेडलालको एकल स्वर रहेको छुट्नुपर्नेसँग बोलको गितको भिडियोसहित रिलिज गरिएको हो ।
संगित एरेन्ज उदयराज पौडेलले गरेका छन् भने गितमो म्युजिक भिडियो निर्देशन देव जंग थापाले गरेका हुन् । भिडियोमा बिमला खाजुम र भरत महर्जनले अभिनय गरेका छन् । गीत सार्वजनिक गर्दै बेडवालले आफ्नो पहिलो गीत सुनेर प्रतिक्रिया दिन आग्रह गरेका छन् ।
आज सार्वजनिक भएको गीतमा दर्शक तथा स्रोताहरुले राम्रो प्रतिक्रिया व्यक्त गरेका छन् । नेपाल आइडलमा सहभागि बेडवाल उत्कृष्ठ पाँचसम्म पुगिसकेका थिए । उनले प्रतियोगितामा गाएका हरेक गितलाई पूर्ण रुपमा न्याय गरेको भन्दै चौतर्फी प्रशंसा भएको थियो ।
बेडवाल नै आइडल विजेता बन्ने सम्भावना देखिएको थियो । तर कोरोनाको महामारी र लकडाउनका कारण आइडल स्थगित भएको छ ।
