खुशीको खबर,अब कोरोना संक्रमित संख्या घटयो, ६ जिल्ला कोरोना मुक्त घोषणा
कलाखबर संवाददाता,२७,असार –काठमाण्डौं । अहिले समग्रह रुपमा हेर्दा कोरोना संक्रमित संख्या घटेको छ । बितेको २४ घण्टामा थप ७० जनामा मात्र कोरोनाभाइरस संक्रमण पुष्टि भएको छ । योसँगै संक्रमितको कूल संख्या १६ हजार ७१९ पुगेको छ । शनिबार थपिएका संक्रमितमध्ये काठमाडौंका ३ जना रहेका छन् ।
यसैगरी धनकुटा, भोजपुर, सोलुखुम्बु, मुस्ताङ, मनाङ र हुम्ला गरी ६ जिल्ला कोरोनाभाइरस संक्रमण मुक्त रहेको पनि गौतमले जानकारी दिए । गौतमका अनुसार बितेको २४ घण्टामा थप ४३१ जना कोरोनाभाइरस संक्रमणमुक्त भएका छन् । योसँगै कोरोनाभाइरस संक्रमणमुक्त हुनेको कूल संख्या ८ हजार ४४२ पुगेको हो ।
हाल जम्मा संक्रमित संख्या मध्यमा ८ हजार २३९ जना मात्र उपचारमा रहेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले शनिबारको नियमित प्रेस ब्रिफिङमा जानकारी दिए । उनले प्रतिशतका आधारमा संक्रमितमध्ये ५०।५ व्यक्ति निको भएपनि बताए ।
