Logo

आगो सल्केझै नेपालमा पनि कोरोना सल्कियो, आज एकै दिनमा ९० जनामा कोरोना पुष्टि 


कलाखबर संवाददाता,१३ जेठ –काठमाण्डौं । नेपालमा पनि कोरोना कोरोना संक्रमित संख्या दिनानुदिन बढी रहेका छन् । आगो सल्केझै दैनिक रुपमा कोरोना संक्रमित संख्या थपी रहेका छन् । स्वास्थ्य तथा जनसंख्या मन्त्रालयका अनुसार आज मात्र विभिन्न जिल्ला गरी ९० जनामा कोरोना पोजिटिभ भेटिएको हो । यससँगै जम्मा संक्रमिको संख्या ७७२ पुगेको छ। मन्त्रालयले मंगलबार दिउँसोको प्रेस ब्रिफिङमा जानकारी दिएको हो ।

राष्ट्रिय जनस्वास्थ्य प्रयोगशालामा गरिएको परीक्षणमा ३५ जना संक्रमित थपिएका छन्। संक्रमितहरुमा रौतहट, जुम्ला, बारासहितका रहेका छन्। रौतहटमा मात्रै २० जना कोरोना संक्रमित थपिएका छन् । सिरहामा चारजना संक्रमित थपिएका छन्। भेरी अस्पतालमा गरिएको परीक्षणमा एकजना पुरुष संक्रमित भेटिएका छन्। प्रादेशिक प्रयोगशाला रुपन्देहीमा परीक्षण गर्दा सातजनामा कोरोना संक्रमण देखिएको हो।

पोखरामा गरिएको परीक्षणमा स्याङ्जा वालिङका दुईजनामा कोरोना संक्रमण पाइएको छ। सुर्खेतमा मात्रै १२ जना संक्रमित भेटिएका छन्। सुर्खेतको प्रयोगशालामा गरिएको परीक्षणमा वीरेन्द्रनगर नगरपालिका ८ जनामा संक्रमण देखिएको छ। त्यस्तै भेरीगंगा र सिम्काबाट दुईरदुईजना संक्रमित थपिएका छन्। यस्तै बाँकेको नेपालगञ्जमा पनि सातजना संक्रमित थपिएका छन्।

बाँकेको डुढुवाबाट चारजना कोरोना संक्रमित भेटिएका छन्। राप्ती सोनारीमा पनि कोरोना संक्रमित भेटिएका छन्। दाङको राप्ती विज्ञान प्रतिष्ठानमा गरिएको परीक्षणमा पनि थप संक्रमित भेटिएका छन्। कपिलवस्तुको यशोधराका २४ जना संक्रमित भेटिएका छन् ।त्यहाँ एक बालिकासहित २४ जनामा कोरोना पुष्टि भएको हो।

प्रतिक्रिया दिनुहोस्