मन बहादुर कुलुङको निर्देशनमा ः गायीका रिना राईको बगिरहने पानी गीतको भिडियो बजारमा
कलाखबर संवाददाता,५ ,जेष्ठ–काठमाण्डौं । गायीका रिना राईको नयाँ म्यूजिक भिडियो बजारमा आएको छ । गायक तथा हाँस्यकलाकार मन बहादुर कुलुङको कथा निर्देशनमा निर्माण भएको “बगिरहने पानी” गीतको भिडियो बजारमा आएको हो । दर्जनौ गीतमा स्वरलहरी भरिसकेकी गायिका राईको चर्चित गीत पूर्वको बासिन्दा हो ।
आफ्नै दाजु असिम बान्तावाको शब्द रहेको यो गितले गायीका राईलाई चर्चाको शिखरमा पुर्यो । जस मध्यको बगिरहने पानी पनि एक रोचक गीत बनेको छ । टेकेन्द्र राई शब्द रचना तथा एम्पि सुब्बाको संगीत रहेको गीतमा गायीका रिना राईले स्वर लहरी भरेकी हुन् । पूर्वीय नेपालको सुन्दर वस्ती सोलुखुम्बु जिल्ला महाकुलुङमा छाँयाङ्कन गरिएको यो म्यूजिक भिडियोमा मोडल आशा लिम्बु र हर्कराज कुलुङको रोचक अभिनय रहेको छ ।
सोलुखुम्बु जिल्लाको सुन्दर बस्ती महाकुलुङ गाउँपालिका छेस्काममा निर्मित यो भिडियोमा एक दर्जन भन्दा बढी कोरस र छटा वाहक प्रकृतिको सदावहार हरियाली भित्र छायाँङ्कन गरिएकोले पनि यो भिडियो निकै मनोरञ्जनपूर्ण बनेको छ ।
मालती कुलुुङको कोरियोग्राफरमा शुशिला कुलुङ,निर्जला कुलुङ,मेलिना कुलुङ,मङ्गिता कुलुङ,बेनिता कुलुङ,दिल कुमार कुलुङ,निमिका कुलुङ,अस्मिता कुलुङ,मोनि कुलुङ,निर्मिता कुलुङ लगायत कोरस कलाकारहरुको रुपमा रहेका रहेका छन् । यो भिडियोलाई छाँयाङ्कन तथा सम्पादन सिर्जन शिरीशले गरेका हुन् ।
