चलचित्र ‘माछा माछा’को ट्रेलर सार्वजनिक
कलाखबर संवाददाता,८ कात्तिक– सुनिल गुरुङको निर्देशनमा निर्माण बनेको चलचित्र ‘माछा माछा’को ट्रेलर सार्वजनिक भएको छ । चर्चित र सफल चलचित्र ‘कबड्डी’को मेकर्सले निर्माण गरेको चलचित्रको सार्वजनिक ट्रेलरबाट चलचित्र कमेडी र सस्पेन्सले भरिपूर्ण रहेको अनुमान लगाउन सकिन्छ ।
सार्वजनिक ट्रेलरमा चलचित्रका मुख्य तीन कलाकार सौगात मल्ल, विजय बराल र अनोज पाण्डेले एक व्यक्तिको हत्याको सुपारी लिन्छन् र सोही काम सम्पन्न गर्न उनीहरूले गरेको यात्राको वरिपरि चलचित्र घुम्ने बुझिन्छ । चलचित्रमा सौगात मल्ल, नम्रता श्रेष्ठ, विजय बराल, अनोज पाण्डे, मओत्से गुरुङ, प्रवीण खतिवडा, सारीता गिरि, भोलाराज सापकोटा, पुस्कर गुरुङ, कमल मनी नेपाल, धुर्व कोइराला, वसन्त भट्ट्लगयत कलाकारको अभिनय रहेको छ ।
राम बाबु गुरुङ र दयाहाङ राईको लगानीमा निर्माण भएको चलचित्र सिनेमा आर्ट र नौमती इन्टरटेनमेन्टको व्यानरमा निर्माण भएको हो । चलचित्रमा अनुपम शर्माको संगीत, निमेष श्रेष्ठको सम्पादन र प्रविन सिंहको कोरियोग्राफी छ । यसैगरी चलचित्रलाई शिवराम श्रेष्ठले खिचेका हुन् । चलचित्र कार्तिक २९ बाट अलनेपाल रिलिज हुँदै छ ।
