शुक्रबार नयाँ चलचित्र ‘एक्स्ट्रा माया’ हर्नेको भीड यस्तो देखियो
कलाखबर संवाददाता,९,असार–काठमान्डौं । शुक्रबारबाट नयाँ चलचित्र ‘एक्स्ट्रा माया’ र ‘तिमी छौ जहाँ प्रदर्शनमा आएका छन । बिना प्रमोशन हलमा आएको चलचित्र ‘एक्स्ट्रा माया’ हेर्ने दर्शकहरुको थाम्नै नसकिने बाग्लो भीड देखियो । वीना प्रोमोसन अचाक हलमा आएको चलचित्रले आम दर्शकको मन छुन सफल भएको छ ।
राजधानीका अधिकांश हलहरुमा चलचित्र एक्स्टा माया हेर्नको भीड बाक्ले देखियो । नाम नाम अनुसारको कथा वस्तु रहेको भन्दै आम दर्शकहरुले चलचित्रको प्रशंसा समेत गरेका थिए। अधिकांश हलहरमा चलचित्र एक्स्टा« प्याक नै भयो । गोपिकृष्ण, बाराही, अष्टनारायण, कलंकी, गर्जुधारा, गुण लगायतका हलहरुमा चलचित्र एक्स्ट्रा मायाले सफलता कमाएको चलचित्रका वितरक करण श्रेष्ठले कलाखबरलाई बताए ।
श्रेष्ठका अनुसार शुक्रबार कार्यलय विदा नहुने समयमा पनि चलचित्रले राम्रो व्यपार गरेको र शनिबार झनै हाउसफुल हुने बताए ।चलचित्रलाई युवा पुस्ताहरुको रोजाइमा परेका कारण चलचित्र हेरिसकेपछि हलबाट बाहिरिदै गरेका दर्शकहरुले निर्माता पक्षसंग राम्रो प्रतिक्रिया दिएको चलचित्रका निर्माता कमल फुयाँलले बताए ।
दर्शकहरुको प्रतिकृया अनुसार देश देखी बिदेशको कथा समेटिएको र युवा टार्गेट रहेको तथा लव एण्ड कमेडी भएका कारण फिल्म सकिएको पत्तो नहुने दर्शकले प्रतिक्रिया दिएका छन ।चलचित्रलाई सञ्चारकर्मी कमल फुयाल, राजेश खड्गी, कुमार सिलवाल र कमल केआरले निर्माण गरेका हुन ।
यस चलचित्रमा अर्जुन खडका, सुस्मिता बुर्लाकोटी, यमन माझी, सनी सुनार, कमल केआर, शोभा भण्डारी, सृष्टि भण्डारी, सरिता लामा लगायतका कलाकारहरुको अभिनय रहेको छ । बाशु न्यौपानेको छायांकन रहेको चलचित्रलाई लेखन तथा निर्देशन सोम कुस्कुमझीले गरेका हुन् भने सहनिर्देशन सञ्चारकर्मी विवेक लोप्चनले गरेका हुन ।
